Satıralyq teatr ónerinde jańalyq, batyldyq joq- Kópen Ámirbek
ALMATY. 3 qazan. QazAqparat /Erlik Erjanuly/ - Búgingi baǵdarlamanyń eń jaqsy jaǵy pishindik jaǵynan jańalanǵan. Ony belgili satırık Kópen Ámirbek keshe "Almaty" kontsert zalynda ótken Aqtóbe oblystyq "Eki ezý" estradalyq mınıaıýra teatrynyń esep berý kontserti kezinde aıtty.
"Men "Eki ezý" teatry osydan birneshe jyl buryn Almatydaǵy Respýblıka saraıynda alǵashqy keshin ótkizgen kezde aq jol tilep, batamdy bergem. Odan keıin Aqtóbege 2 ret baryp, oblystyq ákimshilik pen mádenıet basqarmasyna jańadan qurylǵan óner ordasyna qoldaý kórsetińizder dep ótinish jasadym. Olardyń keıbir kontsertterine de qatystym. Búgingi baǵdarlama zamanǵa saı jasalǵan. Jalǵyz kemshiligi jurtty kúldirip-kúldirip keledi de sońǵy jaǵynda ylǵı da oılandyrýǵa qurǵan. Sol jerin basqasha qylý kerek edi", - dedi Kópen Ámirbek. Áıgili satıra sańlaǵynyń aıtýynsha, qazir elimizdegi satıralyq teatr ónerinde jańalyq, batyldyq joq. Qoǵamnyń damýyn ne tejep jatqanyn aıtpaıdy.
