«Satyp alý quqyǵynsyz jalǵa beriletin turǵyn úı» baǵdarlamasy boıynsha qujat qabyldaý bastaldy

Astanada «Kópbalaly otbasylar» jáne «Halyqtyń áleýmettik osal toptary» sanattary úshin «Satyp alý quqyǵynsyz jalǵa beriletin turǵyn úı» baǵdarlamasy boıynsha qujattardy qabyldaý bastaldy, dep habarlaıdy Kazinform elorda ákimdiginiń resmı saıtyna silteme jasap. 

Qabyldaý kúni: 2023 jylǵy 20 jeltoqsannan bastap saǵat 09:00-den 2023 jylǵy 28 jeltoqsanǵa deıin saǵat 23:59-ǵa deıin.

Qujattardy qabyldaý kórsetilgen kezeńde tek qatysu.zhilfond.kz portaly arqyly elektrondy túrde júrgiziledi.

Іrikteý kezekke qoıylǵan kúnge sáıkes júrgiziledi jáne otbasynyń quramy eskeriledi.

«Nazar aýdarýdy suraımyz! Qatysýǵa ótinimderdi kezekke qoıylǵan barlyq jyldardaǵy kezekte turǵan azamattar bere alady, alaıda qatysýǵa ótinim bergender arasynda basqalardan buryn kezekte turǵandar ótedi», - delingen habarlamada.

Bul baǵdarlamaǵa Astana qalasynyń kommýnaldyq turǵyn úı qorynan turǵyn úıge kezekte turǵan tómendegi sanattaǵy azamattar qatysa alady:

1. jeńildikteri boıynsha Uly Otan soǵysynyń ardagerlerine teńestirilgen ardagerler;
   2. basqa memleketterdiń aýmaǵyndaǵy urys qımyldarynyń ardagerleri;
   3. birinshi jáne ekinshi toptaǵy múgedektigi bar adamdar;
   4. múgedek balalary bar nemese olardy tárbıelep otyrǵan otbasylar;
   5. keıbir sozylmaly aýrýlardyń aýyr túrlerimen aýyratyn adamdar;
   6. jasy boıynsha zeınetkerler;
   7. jetim balalar jáne ata-anasynyń qamqorlyǵynsyz qalǵan balalar;
   8. qandastar;
   9. ekologııalyq zilzalalar, tabıǵı jáne tehnogendik sıpattaǵy tótenshe jaǵdaılar saldarynan turǵyn úıinen aıyrylǵan adamdar;
   10. kópbalaly otbasylar;
   11. memlekettik nemese qoǵamdyq mindetterdi, áskerı qyzmetti atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyqtyq tártipti qorǵaý kezinde qaza tapqan (qaıtys bolǵan) adamdardyń otbasylary;
   12. tolyq emes otbasylar.

Páterlerdiń jalpy sany – 960, onyń ishinde:

1. «Kópbalaly otbasylar» sanaty úshin - 270 páter;
   2. «Jetim balalar jáne ata-anasynyń qamqorlyǵynsyz qalǵan balalar» sanaty úshin – 173 páter;
   3. basqa sanattaǵy «Halyqtyń áleýmettik osal toptary» úshin - 517 páter.

Turǵyn úı túri: satyp alý quqyǵynsyz jalǵa beriletin turǵyn úı.

Nysandardyń ornalasýy: Astana qalasy, Prıgorodnyı kenti, E.761 kóshesi («Orman park» TK); E 699 kóshesi - «Aѕran park 1» TK, «Aѕran park 2» TK; Tilendıev dańǵyly («Jetijol» TK; Astana-Qaraǵandy tas joly, 23 («Densaýlyq» TK); «EK-17, EK-21» kóppáterli turǵyn úı kesheni, «Edem» TK, Kóktal aýdany, «Kóktem» TK.

Ótinish berý úshin sizde bolýy kerek:

1) ETsQ kilti;
2) otbasynyń barlyq múshelerine QR boıynsha jyljymaıtyn múliktiń joq nemese bar ekendigi týraly anyqtamanyń skanerlengen nusqasy;
3) balalardyń týý týraly kýálikteriniń skanerlengen nusqasy / otbasy músheleriniń jeke kýáligi (bar bolsa);
4) neke qııý/buzý/ áke bolýdy anyqtaý týraly kýáliktiń skanerlengen nusqasy/ №4 formasy/ qaıtys bolý týraly kýálik (bar bolsa);
5) jyljymaıtyn múlikti belgileıtin quqyqtyq qujattarynyń skanerlengen nusqasy (bar bolsa);
6) múgedektik týraly anyqtamanyń skanerlengen nusqasy (bar bolsa).

Ótinimderdi qaraý nátıjeleri zhilfond.kz saıtynda, www.gov.kz – «Astana qalasynyń Turǵyn úı jáne turǵyn úı ınspektsııasy basqarmasy» MM jáne turǵyn úı ortalyǵynyń áleýmettik jelilerinde jarııalanatyn bolady.