Satylyp ketken avtokólikke salyqty qalaı tóleý kerek
ASTANA. KAZINFORM — 2023 jyl úshin kólik salyǵynyń somasy týraly aqparat kgd.gov.kz portalyndaǵy «Jeke tulǵalar úshin aldaǵy tólemder» servısinde, sondaı-aq «e-Salyq Azamat» jáne ekinshi deńgeıdegi bankterdiń mobıldi qosymshasynda jarııalanǵan. Salyq tóleý merzimi 1 sáýirde aıaqtalady.
Salyq organdary esepti salyq kezeńinen keıingi jyldyń 1 mamyrynan keshiktirilmeıtin merzimde salyqty esepteýdi Іshki ister mınıstrliginiń ákimshilik polıtsııa komıtetiniń derekteriniń negizinde júrgizedi.
Joǵaryda kórsetilgen kezeńderge eseptelgen kólik salyǵynyń somasy týraly málimetterdi salyq tóleýshilerge aldyn ala habarlaý maqsatynda olardyń yńǵaılylyǵy úshin tóleý merzimi aıaqtalǵanǵa deıin jarııalanǵan.
Bul rette:
— 2023 jylǵa salyqty esepteý kezinde 2023 jyly qoldanysta bolǵan 3450 teńge mólsherindegi aılyq eseptik kórsetkish qoldanylǵan;
— eseptelgen salyq somasynyń kólikti ıelenýdiń naqty kezeńi úshin eseptelgen.
Máselen, 2023 jyl ishinde kólik quralyn satyp alǵan/satqan jaǵdaıda jyldyq salyqtyń eseptelgen somasy 12-ge bólinedi jáne menshik quqyǵynda naqty bolǵan aılar sanyna kóbeıtiledi.
Bul rette satyp alýshy tarap kólik quraly satyp alynǵan aıdan bastap tóleıdi.
Eger sizge 2023 jyldyń basyna deıin satylǵan kólik quraly boıynsha salyq somasy usynylǵan jaǵdaıda, mundaı kólik quralynyń ýákiletti organda esepten shyǵarylǵanyna kóz jetkizý qajet.
Salyqty belgilengen merzimde tóleý ósimpuldy esepteýden jáne májbúrlep óndirip alý sharalaryn qoldanýdan aýlaq bolýǵa múmkindik beredi.
