Satbayev ýnıversıteti ǵalymdarynyń ónertabysy jylyna 100 mln dollar tabys ákelýi múmkin

ASTANA. KAZINFORM — Ǵylym jáne joǵary bilim mınıstri Saıasat Nurbek Úkimet otyrysynan keıin ótken baspasóz máslıhatynda Satbayev ýnıversıtetiniń tehnologııasymen tazartylǵan selendi tanystyrdy. 

министр
Фото: Солтан Жексенбеков/ Kazinform

— Satbayev University-diń Almatydaǵy Metallýrgııa jáne ken baıytý ınstıtýty men Balqashtaǵy «Qazaqmys-Progress» mys balqytý zaýyty byltyr tseh ashqan bolatyn. Jyl basynda tuńǵysh partııasy 99,5 paıyz tazalyǵymen eksportqa shyqty. Taza tabys 1,3 mıllıard teńge boldy. Endi osy kip-kishkentaı tseh jylyna 100 mıllıon dollarǵa deıin arnaıy tazartylǵan selendi satady. «Qaztsınk», «QazAtomÓnerkásip» sııaqty úlken kompanııalardyń selen baıytý qaldyqtarynan rafınattalǵan (tazartylǵan) selen shyǵarýǵa múmkindik bolady. Aqsha tabýdy bastadyq. Bir jyldyń kóleminde eksport áleýetimizdi kúsheıtemiz, — dedi Ǵylym jáne joǵary bilim mınıstri. 

Buǵan deıin habarlanǵandaı, Ońtústik Koreıa atalǵan ınstıtýt bazasynda birlesken zertteý ınstıtýtyn qurýǵa 16 mln dollar bólmekshi.

Сейчас читают