Sátbaevtaǵy kóp qabatty úılerde lıftiler qalpyna keltirilýde
SÁTBAEV. QazAqparat – Sátbaev qalasynda 20 qańtarda kópqabatty úılerdegi segiz lıftiniń ekeýi iske qosyldy. Uzaq ýaqyt boıy olar jumys istemeı, kópqabatty úılerdiń turǵyndary jaıaý kóterilýge májbúr bolǵan, dep habarlaıdy QazAqparat tilshisi.
Ótken jyly Qaraǵandy oblysy ákimdiginiń qoldaýymen «Óńirlerdi damytý - 2020» memlekettik baǵdarlamasy boıynsha qaıtarymdy negizde osy kótergishterdi ornatýǵa qarajat bólindi. Lıftiler eki úıde - Abaı jáne Shatalıýk kóshelerinde iske qosyldy, onda turǵyndar lıft sharýashylyǵyn jańǵyrtý baǵdarlamasyna alǵashqylardyń biri bolyp qatysty.
Ákimniń orynbasary Batyr Ábdirahaev jáne TKSh bóliminiń ókilderi Abaı kóshesindegi №31 úıde bolyp, lıft jumysymen tanysty.
Belarýstik «Mogılevlıftmash» zaýytynda jasalǵan kótergishterdi montajdaýdy «LIFT STROY ASTANA» JShS merdigerlik uıymy júzege asyrdy. Al qyzmet kórsetýmen «Lıftremont» TK aınalysady.
2021 jyly Sátbaev qalasynda toǵyz qabatty turǵyn úılerge Abaı kóshesi, 51, 73; Shatalıýk, 50 meken-jaılary boıynsha taǵy úsh lıft ornatý josparlanýda.
Esterińizge sala keteıik, Qaraǵandy oblysynyń ákimdigi men «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ 2019 jyly jumys istemeıtin kótergishterdi aýystyrý boıynsha pılottyq jobany iske qosý týraly Memorandýmǵa qol qoıǵan bolatyn.
