Sátbaevta turǵyn úıde bolǵan órtten bir adam ajal qushty
ASTANA. QazAqparat - Sátbaev qalasynyń Vesovaıa kentinde órt bolyp, bir adam qaza tapty, taǵy birneshe adam zardap shekken, dep habarlaıdy QazAqparat QR ІІM TJK baspasóz qyzmetine silteme jasap.
«Úıdiń órtenýi týraly habar 3 sáýir kúni 03:26-da tústi. Oqıǵa ornyna órt sóndirýshiler jetken kezde eki qabatty, segiz páterli aǵash úıdiń shatyry janyp, baspaldaǵy qulap jatqan. Órtti sóndirýge qosymsha kúsh jiberildi», - delingen habarlamada.
Órt sóndirý kezinde 1 adam qutqarylyp, taǵy bir adam qaýipsiz jerge kóshirildi. Ekinshi qabattan ys tıgen 53 jastaǵy er adam qutqarylyp, aýrýhanaǵa jetkizildi. Sol páterden 29 jastaǵy jigittiń denesi tabylǵan.
Órt 7:14-de sóndirildi, jalyn 180 sharshy metrdi sharpyǵan.
Jazataıym oqıǵanyń mán-jaıy tekserilip jatyr.
Úıde 19 adam, sonyń ishinde 8 bala turatyn. Jergilikti atqarýshy organdar 3 adamdy jataqhanaǵa ornalastyrdy, qalǵandary týystaryna baryp panalady.
