Sátbaevta maskúnem áıeldiń úsh jasar balasy jetimder úıine ótkizildi
QARAǴANDY. QazAqparat - Sátpaev qalasynyń jergilikti polıtsııa qyzmetkerleri úsh jastaǵy balany balalar úıine ótkizip, onyń anasyn medıtsınalyq aıyqtyrǵyshqa jebirdi, dep habarlaıdy «QazAqparat» HAA tilshisi.
Áıeldiń perzenthanadan shyǵa salysymen alkogoldi ishimdik iship júrgenin bilgen polıtsııa qyzmetkerleri, prokýratýra, ákimdik qyzmetkerleri, qamqorshylyq organdary jáne kámeletke tolmaǵandar quqyǵyn qorǵaý jónindegi komıssııa onyń úıine keldi.
Jas ana olardy mas kúıde qarsy alǵan.
«Mas kúıde bolǵan ol bizben ázer sóılesti. Tártip saqshylary ony aıyqtyrý mekemesine jetkizdi, al bala «Malıýtka» balalar úıine jetkzilip, medıtsınalyq baqylaýǵa alyndy. Saraptama qorytyndysy áıeldiń ortasha deńgeıli mas kúıde bolǵanyn anyqtap, dem shyǵarý kezinde 4,5 promılle belgiledi», - dep málim etti Qaraǵandy oblysy ishki ister departamenti baspasóz qyzmetiniń basshysy Baqytjan Qudııarov.
39 jastaǵy ana nárestesi dúnıege kele salysymen ishimdikke qatty áýestene bastaǵan, tańerteń erte úıinen ketip, tún ortasynda mas kúıde oralyp júrgen. Bul ýaqytta balaǵa áıel jaldap turyp jatqan bólmeniń ıesi kútim jasaǵan. Týǵannan keıin úsh aı ishinde bala bir de bir ret dárigerlerdiń qaraýynda bolmaǵan, anasy Sátbaevtaǵy dárigerler qaraýyna tirkelmegen.
Bólme ıesiniń balaǵa jasap kelgen qamqorlyǵy men kútiminiń arqasynda aman kelgen.
«Anasyna balasyn tárbıeleý jónindegi mindetterin atqarmaǵany úshin zań aldynda jaýap berýine týra keledi. Sátbaev ІІB jergilikti polıtsııa qyzmeti áıeldi ata-analyq quqyǵynan aıyrý týraly usynys daıyndady», - deıdi Baqytjan Qudııarov.
