Sátbaevta qar jaýdy
SÁTBAEV. QazAqparat - Qaraǵandy oblysy Sátbaev qalasynda alǵashqy qar jaýdy. Qalada jylý búgin beriledi, dep habarlaıdy QazAqparat.
Búgin 5 qazan, tańǵy saǵat 8:30-dar shamasynda bastalǵan qardyń arty burqasynǵa aınalǵan. Tabıǵattyń tosyn syıynyń arqasynda jer aq mamyqqa orandy. Dál qazirgi ýaqytta qalada aýa raıy +3 gradýsty kórsetip tur.
Bıylǵy jyly kenshiler qalasyna qar jyldaǵydan áldeqaıda erte jaýdy. Mamandardyń aıtýynsha, jylda qalada jylytý maýsymy qazannyń onynda bastalatyn, alaıda bıyl kúnniń erterek sýytýyna baılanysty búgin turǵyn úılerge jylý jiberý qarastyrylyp jatyr.
«Qurmetti qala turǵyndary, jylý qazandyǵy iske qosyldy. Búgin jylý beriledi», - delingen jergilikti kommýnaldyq qyzmetke jaýapty organnyń taratqan habarlamasynda.Avtor: Erkenaz Shoqan
