Sátbaevta gastrolde júrgen almatylyq tsırk ártisiniń denesi tabyldy

SÁTBAEV. QazAqparat – Sátbaev qalasynda gastrolde júrgen «Shapıto» tsırkiniń 18 jastaǵy ártisiniń denesi tabyldy, dep habarlaıdy QazAqparat tilshisi.

Polıtsııa Marııa Kattsýn óz-ózine qol jumsady dep boljam jasady. Alaıda boıjetkenniń jaqyndary bul nusqaǵa senbeıtinderin aıtyp otyr. Bul týraly olar jelide jarııalanǵan.

Qyz balanyń dostary Marııa árqashan salaýatty ómir saltyn ustanǵan, sportpen aınalysqan jáne árdaıym tsırkte óner kórsetýdi armandaǵanyn aıtady.

Marııa estradalyq tsırk ýchılışesinde oqyp, jazda Almaty qalasynyń «Shapıto» tsırkimen óndiristik tájirıbeden ótý týraly kelisimshartqa qol qoıǵan. Qaıǵyly oqıǵa kezinde tsırk Sátbaev qalasynda gastrolde boldy.

«Atalmysh fakt boıynsha Sátbaev polıtsııa bólimi QR QK-niń 105-baby «Ózin-ózi óltirýge deıin jetkizý» boıynsha sotqa deıingi tergeýdi bastady. Tıisti saraptamalar taǵaıyndaldy, olardyń nátıjeleri boıynsha protsessýaldy sheshim qabyldanatyn bolady», - dep habarlady Ulytaý aýdany PD baspasóz qyzmeti.

Foto: facebook.com/ Masha Katsýn