Sátbaev volonterleri kún saıyn 700-den astam muqtaj jandarǵa kómek kórsetedi
Sátbaev qalasynda Jastar resýrstyq ortalyǵynda volonterler shtaby quryldy. Onyń quramyna stýdentter, jumys isteıtin jastar, dárigerler, muǵalimder, memlekettik qyzmetkerler, kásipkerler, meshike kelýshileri, ónerkásip qyzmetkerleri kirdi. Barlyǵy qalada 700-den astam eriktilerden quralǵan volonterler toby qyzmet etedi.
Tótenshe jaǵdaı kezinde erktiler meshitterde, Kenshiler saraıynda, Dostyq úıinde kóp rettik betperdeler tigýdi uıymdastyrdy. Barlyǵy 23 myńǵa jýyq betperdeler tigilip, volonterlik shtab arqyly taratyldy. Sonymen qatar janashyr turǵyndar blok-beketterde kezekshilik etip júrgen polıtsııa jáne medıtsına qyzmetkerlerine ystyq tamaq ázirledi. Al «Biz birgemiz» respýblıkalyq aktsııasy aıasynda qala kásipkerlerinen kóp balaly otbasylarǵa, muqtaj jandarǵa, qarttar men múgedekterge 1400-den astam azyq-túlik paketteri taratyldy. Qaladaǵy eriktiler naýqastarǵa medıtsınalyq kómek kórsetetin dárigerlerdi tasymaldaý úshin «KORONA taksı» jumysyn uıymdastyrdy.
Korporatıvti volonterlik aıasynda memlekettik uıymdardyń ujymdary 15 muqtaj januıaǵa jalpy somasy 150 000 teńge kóleminde materıaldyq kómek kórsetti. Bilim berý mekemeleriniń, qalalyq ákimdiktin qyzmetkerlerinen turatyn «Patrýl» volonterlik toby quryldy. Atalmysh top qoǵamdyq oryndarda koronavırýstyq ınfektsııanyń aldyn alý boıynsha aqparattyq jumystar júrgizip, aqparattyq býkletter men kóp rettik betperdeler taratty.
Sonymen qatar eriktiler turaqty túrde 37 ardagerdiń úıine azyq-túlik pen qajetti zattardy jetkizýdi uıymdastyrady. Olar 32 jalǵyz basty zeınetkerler men múgedekterge kommýnaldyq qyzmetterge 15000 teńge tóleýge ótinishter berý kezinde kómek kórsetip qana qoımaı, sondaı-aq, karantın kezeńinde eGov.kz portalynda ótinishterdi tirkeý boıynsha 25 turǵynǵa keńester berdi.
Volonterlik shtabta qala turǵyndarynan muqtaj azamattarǵa kıim alýǵa arnalǵan kabınet bar, búginde 30 adam kómek aldy.
Sátbaev qalasynyń eriktileri sonymen qatar elmizdiń Maqtaaral aýdanyndaǵy sý tasqyny saldaryn joıýǵa kómek kórsetý sharalarynan da tys qalmady. Mamyr aıynda Túrkistan oblysyna kómek kórsetý maqsatynda Sátbaev qalasynan 5 erikti jastar attanyp, áleýmettik nysandar qurylysyna qatysty.
Koronavırýspen kúreste de janashyr azamattar qol ushyn sozýǵa asyǵýda. Shildede Terisaqan aýylynyń dıqandary qalalyq medıtsınalyq aýrýhanalarǵa 210 lıtr qymyz jetkizdi. Al «Samga» JShS 680 l kóleminde qalalyq aýrýhana men týberkýlezge qarsy dıspanserde aýyz sý aparyp berdi. «Qazaqmys» korporatsııasynyń Ardagerler keńesi 100 myń teńgege Ortalyq aýrýhana úshin tósek-oryn jáne dezınfektsııalyq quraldardy satyp aldy.
Volonterlar 100 jalǵyzbasty zeınetkerge 17 myń teńgege paratsetamol men aspırınniń 200 paketin aparyp berdi jáne patsıentter men medıtsınalyq personalǵa ystyq tamaq, jemis-jıdek jetkizdi. «Dýslyk» tatar-bashqurt ortalyǵynyń volonterlary qalalyq aýrýhana men týberkýlezge qarsy dıspanserdiń medıtsına qyzmetkerlerine ulttyq táttiler men kondıterlik ónimdermen qýantty. Káris bastamashyl tobynyń volonterleri de olarǵa koreı ulttyq taǵamdarynan aýyz tıgizgen bolatyn.
Kásipkerler № 1 Ortalyq aýrýhananyń juqpaly aýrýlar bólimshesine 13 tósek-oryn jabdyqtaryn, 1000 dana maska jáne 50 súlgi, 250 dana PChK kombınezonyn, 18 dana ottegi kontsentratorlaryn jáne 25 dana júrek soǵý jıiligin baqylaıtyn qurylǵy túrinde kómek kórsetti. Al kásipkerler qaýymdastyǵy aýrýhananyń medıtsınalyq qyzmetkerlerine jalpy somasy 300 myń teńge kóleminde qarjylaı kómek kórsetti.
Eriktilerdiń jumysyn ári qaraı da qarqyndy júrgizip otyrý maqsatynda Telegram-chatynda «Sátbaev volonterleri» toby quryldy, onda eriktiler pikir almasady jáne birlesken is-áreketterdi uıymdastyrady, chatta 200-ge jýyq belsendi qatysýshy bar. «Facebook», «Instagram» áleýmettik jelilerinde «Satbaeveriktileri» paraqshalary bar, onda qaladaǵy volonterlerdiń qyzmeti týraly kúndelikti materıaldar shyǵarylady. 15-ten astam áleýmettik rolık, karantın sharalarynyń saqtalýy týraly 2500 únparaq shyǵaryldy.
