Sátbaev turǵyndary qala ákimi, prokýror men polıtseıler qosylǵan chatqa shaǵymdana alady

ASTANA. QazAqparat - Qaraǵandy oblysynyń Sátbaev qalasynda quqyqtyq tártipti qamtamasyz etý úshin Telegram-chat jumys isteı bastady. Oǵan kez kelgen turǵyn qosyla alady, dep habarlaıdy QazAqparat óńir basshysynyń baspasóz qyzmetin e silteme jasap.

Turǵyndarǵa tanymal messendjerdiń kómegimen qoǵamdyq oryndardaǵy kez kelgen quqyqbuzýshylyq týraly habarlap, dálel úshin fotosýret pen beınetúsirilim jiberý usynyldy. Chatqa túsken ár habarlamaǵa jedel jaýap qatyp, áreket etý ýáde etilýde. 
 

Atalyp ótkendeı, bul Sátbaev qalasy ákimdiginiń, prokýratýra men polıtsııanyń birlesken jobasy. Bastama kóterýshiler áleýmettik jelidegi jumys qala turǵyndarymen baılanys ornatyp, qoǵamdyq tártipti nyǵaıtýǵa septigin tıgizedi dep senedi. 
«Arnaǵa ákim, prokýror, quqyqqorǵaý jáne qalanyń atqarýshy organdary, PIK, polıtsııanyń ýchaskelik ınspektorlary, sondaı-aq qala turǵyndary qosylady. Arnaǵa qosylý úshin smartfonǵa (App Store, Google Play arqyly) tegin qosymshany ornatyp, mobıldik telefonnyń braýzerine tirkelý jáne satpaevdvd qysqa siltemesin terip, chatqa jazylý kerek», - dep habarlady oblystyq prokýratýranyń baspasóz qyzmetinen.