Sátbaev turǵyn úı ınspektsııasynyń basshysy alaıaqtyq áreketi úshin sottaldy

NUR-SULTAN. QazAqparat – Sátbaev qalasynyń turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bólimi» memlekettik mekemesiniń basshysy K.Sh. Kúnedilovaǵa alaıaqtyq áreketi úshin sottaldy. Bul týraly QazAqparat Sybaılas jemqorlyqqa qarsy is-qımyl agenttigine silteme jasap habarlaıdy.

«Ol oryndalǵan jumystardy qabyldaý aktisine qol qoıý jáne memlekettik satyp alý týraly shart boıynsha qalǵan qarajatty aýdarý úshin «Hlebstroı» JShS-nyń Qaraǵandy fılıaly dırektorynan 1 mln 200 myń teńge kóleminde qarajatty aldaý jáne senimdi teris paıdalaný arqyly ıemdegenýge árekettengeni úshin kúdikteldi. Aǵymdaǵy jyldyń 17 qańtarynda Sátbaev qalalyq sotynyń úkimimen K.Sh. Kúnedilova alaıaqtyq áreketi úshin kináli dep tanylyp, oǵan 12 mıllıon teńge aıyppul salyndy jáne memlekettik qyzmette laýazymdardy atqarý quqyǵynan ómir boıyna aıyryldy», - delingen habarlamada.