Sátbaev shyńynda adasyp ketken úsh týrıst qutqaryldy
ASTANA. KAZINFORM – Almaty oblysyndaǵy Sátbaev shyńynda baǵytynan adasyp ketken úsh týrıstke qutqarýshylar kómek kórsetti, dep habarlaıdy Almaty qalasynyń Monıtorıng jáne jedel áreket etý ortalyǵy.
Oqıǵa Qarasaı aýdanyndaǵy bıiktigi 4317 metr bolatyn Sátbaev shyńynda bolǵan. 2007 jyly týǵan úsh jas taýdan túsý kezinde baǵytynan adasyp, qutqarýshylardan kómek suraǵan.
– Týrıstermen turaqty baılanys saqtalyp, olardyń geolokatsııasy anyqtaldy. Qutqarýshylar jastardy taýyp, qaýipsiz jerge alyp shyqty, – delingen habarlamada.
Úsh týrıst №22 órt sóndirý bólimine deıin jetkizildi. Osydan keıin olar úılerine óz betterimen qaıtqan.
Aıta keteıik, Almaty oblysynda taýdan ózdiginen túse almaǵan eki jasóspirim qutqaryldy.
