Sátbaev kanalynan jiberilgen sý Pavlodardaǵy shabyndyqtardyń ónimdiligin arttyrdy

PAVLODAR. KAZINFORM — Shiderti ózeniniń jaıylym alqabyndaǵy shabyndyqtardyń ónimdiligi gektaryna 16 tsentnerden 19,3 tsentnerge deıin artqany baıqalyp otyr.

QR Sý resýrstary jáne ırrıgatsııa mınıstrliginiń aqparynsha, bıyl «Qazsýshardyń» «Q. Sátbaev atyndaǵy kanal» fılıaly ekologııalyq maqsatta 170,5 mln tekshe metr sý jiberdi. Onyń ishinde 120 mln tekshe metri Shiderti–Óleńti tabıǵı aımaǵyn saqtaý jáne qalpyna keltirý úshin Shiderti ózeni arqyly baǵyttaldy.

Bul sý Shiderti ózeniniń jaıylym alqabyndaǵy shabyndyqtardyń ónimdiligin gektaryna 16 tsentnerden 19,3 tsentnerge deıin arttyrýǵa múmkindik bergen.

— Shiderti ózenine sý jiberý Pavlodar oblysynyń ekonomıkalyq jáne ekologııalyq ahýalyn edáýir jaqsartty. Bul mal azyǵyn mol jınaýǵa jáne balyq sharýashylyǵy kólderiniń ónimdiligin qalpyna keltirýge septigin tıgizdi. Jyl saıyn Q. Sátbaev atyndaǵy kanaldyń sýymen Shiderti ózeniniń boıyndaǵy 23 myń gektarǵa deıin jaıylym men shabyndyq sýarylady, — dedi «Q. Sátbaev atyndaǵy kanal» fılıaly dırektory Ońdasyn Jıenqulov.

Buǵan deıin Sátbaev atyndaǵy kanaldy jańǵyrtýǵa 12 mlrd teńge bólingeni týraly jazǵanbyz7