Sátbaev kanalynan ruqsatsyz sý alǵan fermer jaýapqa tartylýy múmkin
PAVLODAR. KAZINFORM — Óńirdiń tabıǵatty qorǵaý polıtsııasy Ertis basseındik sý ınspektsııasymen birlesip Qanysh Sátbaev atyndaǵy kanalda sý resýrstaryn zańsyz paıdalaný deregin anyqtady.
Aqsý aýyldyq okrýginiń Evgenevka aýylynyń mańynda sýarmaly alqapty sýarý kezinde zańbuzýshylyqqa barǵan jergilikti aýyl sharýashylyǵy óndirýshisi anyqtaldy. Belgili bolǵandaı, ol zańdy aınalyp ótip, strategııalyq arnadan sý aıdap kelgen.
— Sý alý sý paıdalaný salasynda qatań mindetti bolyp tabylatyn ruqsat berý qujattary men kelisimdersiz júzege asyrylǵan. Resýrstardy zańsyz aıdaý sýdyń utymdy bólinýine qaýip tóndiredi. Bul qazir sýarý maýsymynyń qyzǵan shaǵynda, fermerlerdiń sýmen jabdyqtaý qajettiligi birneshe ese artqan kezde óte mańyzdy, — deıdi Aqsý qalalyq polıtsııa bóliminiń bastyǵy Aıdar Slambekov.
Barlyq jınalǵan materıaldardy polıtseıler protsedýralyq sheshim qabyldaý úshin Ertis basseındiksý ınspektsııasyna tapsyrǵan.
Tártip saqshylary men ınspektorlar sorǵylardy zańsyz iske qosý qoldanystaǵy zańnama sheńberinde jaýapkershilikke ákeletinin eskertedi.
Eske sala keteıik, Sátbaev kanalynan Astanaǵa deıin sý qubyry salynady.
