Sátbaev qalasynyń turǵyny quny 11 mln teńgeniń relsin urlaǵan
QARAǴANDY. QazAqparat - Qaraǵandy oblysynyń turǵyny bir kásiporynnyń quny 11 mıllıon teńgeni quraıtyn relsterin urlaǵan, dep habarlaıdy QazAqparat Polisia.kz-ke silteme jasap.
1 shildede Sátbaev qalasynyń polıtsııa bólimine belgisiz bireý kásiporyndardyń biriniń aýmaǵyndaǵy relsterdi urlap ketkeni týraly habarlama keldi. Keltirilgen zalal kólemi 11,3 mıllıon teńgeni qurady.
Anyqtalǵandaı, uzaq ýaqyt boıy paıdalanylmaǵan, biraq olar kásiporynnyń balansynda turǵan temirjol relsteri urlanǵan. Sonymen qatar, bul temir jol áli de óndiristik tsıklge qosylatyny joqqa shyǵarylmaı otyr.
QR QK 188 -baby «Urlyq» boıynsha qylmystyq is qozǵaldy. 15 tamyzda jedel-izdestirý is-sharalary barysynda krımınaldyq polıtsııa qyzmetkerleri kúdikti 38 jastaǵy er adamdy ustady. Ol kinásin moıyndady, temirjol joldaryn tastalǵan dep sanaıtynyn túsindirdi jáne olardy ishinara bólshekteý arqyly jeke paıda tabýdy kózdegen. Ol urlanǵan relsterdi metall syynyǵyn qabylaıtyn orynǵa ótkizgen. Qazir tergeý júrip jatyr.
