Sátbaev qalasyndaǵy Esqula sýaǵaryn qalypqa keltirý qashan aıaqtalady
Qarajattyń jetispeýine baılanysty joba birneshe jyl boıy keıinge qaldyrylǵan edi. Qazir qurylystyń sońǵy kezeńi júrip jatyr.
«Eki rezervýar, sorǵy stantsııasy, hlorator stantsııasy salynady. Nysannyń iske qosylýy Sátbaev pen Jezqazǵan turǵyndaryn sapaly sýmen qamtamasyz etedi.
Bizdiń basty maqsatymyz – Jezqazǵanǵa deıin sý jetkizý», - dedi Qaraǵandy oblysynyń energetıka jáne turǵyn úı-kommýnaldyq sharýashylyq
basqarmasynyń basshysy Ulantaı Úsenov.
Qala úshin taǵy bir mańyzdy nysan – qosymsha káriz kollektoryndaǵy qurylys jumystary qarqyndy júrgizilýde. Jańa shaǵyn aýdandardyń paıda bolýyna baılanysty qazirgi kollektor júktemege tótep bere almaıdy. № 8 shaǵynaýdannan tazartý qurylystaryna deıin sarqyndy sýlardy burý boıynsha segizinshi qubyr jelisin salý týraly sheshim qabyldandy. Bul joba Óńirlerdi damytý baǵdarlamasy aıasynda júzege asyrylýda.
Sondaı-aq, Jeńis Qasymbek 16 páterli tórt qabatty turǵyn úıdiń qurylys alańynda boldy. Munda memlekettik qordaǵy páterlerge kezekte turǵan qala
turǵyndary úı alady. Ázirge eki qabaty turǵyzyldy, biraq qurylysshylar bıylǵy jyldyń kúzinde qonys toıyn toılaýǵa bolady dep ýáde berip otyr.
Sonymen qatar, jeke ınvestorlardyń qarajaty esebinen Sátbaevta taǵy úsh úıdiń qurylysy júrgizilýde. Qalalyq ákimdik onda kóp balaly otbasylar men halyqtyń áleýmettik osal toptarynan shyqqan azamattar úshin 15 páter satyp alady. Sondaı-aq 320 oryndyq balabaqsha salynýda. Qazir tóbesin jabý men árleý jumystary júrip jatyr.
Oblys ákimi qaladaǵy joldardyń jóndelýin de tekserdi. Abattandyrý barysynda bıyl 75 aýlaǵa asfalt tóselip, 15 kóshege ortasha jóndeý jumystary júrgiziledi.
Burynǵy «ıÝnost» stadıony da qaıta jańǵyrtylady. Qazir munda geodezııalyq jumystar
júrgizilýde. Bul sport ǵımaratynda jeńil atletıka ortalyǵyn ashý josparlanýda.
