Sátbaev qalasynda jeksenbilik bıznes-mektep jumysyn bastady
SÁTBAEV. QazAqparat – Sátbaev qalasynda jeksenbilik bıznes-mektep óz jumysyn qaıta bastady. Onyń qyzmeti ótken jyly pandemııaǵa baılanysty toqtatylǵan bolatyn. Al qazir tyńdaýshylardy qabyldaý qaıta jarııalandy, dep habarlaıdy QazAqparat.
«Bul óz isińdi órge dóńgeletýge tamasha bastama. Munda jasy 16-dan asqan jastar, jumyssyzdar, kópbalaly analar jáne isin jańa bastaǵan kásipkerler oqı alady. Olar bıznesti ashý jáne júrgizý úshin qajetti bilim alady», - deıdi joba jetekshisi Tatıana Hasanova.
Sabaqtar onlaın jáne oflaın formatta ótedi. Qazirgi kásipkerler óz tájirıbelerimen bólisedi.
Oqý bes aptaǵa sozylady. Jazylý 8-700-477-66-47 nómiri boıynsha júrgiziledi.
Bıyl Sátbaev qalasynda Jastar kásipkerligin qoldaýǵa 20 mln teńge bólindi. Jastar arasynan shyqqan mektep túlekteri qala ákiminiń granty konkýrsyna qatysa alady.
