Sátbaev qalasynda sábıin tastap ketken áıeldi izdeýge dárigerler qosyldy
QARAǴANDY. QazAqparat - Qaraǵandy oblysy densaýlyq saqtaý basqarmasy Jezqazǵan aımaqtyq ókildigi ana men balany qorǵaý jónindegi bólimniń qyzmetkerleri men qalalyq emhana dárigerleri sábıdiń denesin qoqys jáshigine tastap ketken áıeldi izdeýge jumyldyryldy, dep habarlaıdy «QazAqparat» HAA tilshisi.
Qaraǵandy oblysy densaýlyq saqtaý basqarmasy Jezqazǵan aımaqtyq ókildigi ana men balany qorǵaý jónindegi bólimniń basshysy Rymjan Hýsaınova habarlaǵandaı, polıtsııaǵa Sátbaev qalasyndaǵy medıtsınalyq mekemelerde esepte turǵan júkti áıelder týraly derekter berildi.
Polıtsııa qaladaǵy móltekaýdandardy aralap, sábı men onyń anasy týraly barlyq turǵyndardan surastyrýda.
«Áıeldi izdeý jumystary oń nátıje bermedi», - dep habarlady Qaraǵandy oblysy ishki ister departamenti baspasóz qyzmeti basshysynyń mindetin atqarýshy Batyrhan Smaılov.
Eske sala ketsek, 16 shilde kúni kommýnaldyq qyzmet jumysshylary Sátbaev qalasyndaǵy qoqys jáshiginen óli sábıdiń denesin tapqan bolatyn. Náreste máıitiniń tabylý faktisi boıynsha QR QK 100-babyna sáıkes «Jańa týǵan sábıdi anasynyń óltirýi» boıynsha sotqa deıingi tergeý jumystary júrgizilýde.
