Sátbaev qalasynda polıtsııa qyzmetkerin óltirip ketti
QARAǴANDY. QazAqparat - Qaraǵandy oblysynyń Sátbaev qalasynda jol-patrýldik polıtsııasynyń 46 jastaǵy qyzmetkeri óz páterinde óltirilgen kúıinde tabyldy, dep habarlady aımaqtyq ІІD baspasóz qyzmetinen.
«Sátbaevta óz páterinde jol-patrýldik polıtsııasy qyzmetkeriniń zorlyqpen óltirý belgileri bar múrdesi tabyldy. Qaraǵandy oblystyq ishki ister organdary atalǵan faktimen QR QK-niń 99 babymen qarastyrylǵan qylmys quramynyń belgileri boıynsha sot aldyndaǵy tekserý jumystaryn júrgizip jatyr», - delingen habarlamada.
Aýyr qylmysty jasaǵan tulǵany anyqtap, ony ustaý boıynsha sharalar júrgizilip jatyr. Arnaıy tergeý-jedel toby oblystyń, Jezqazǵan jáne Sátbaev krımınaldyq polıtsııasynyń tájirıbeli qyzmetkerlerinen qurylǵany atap ótiledi.
«Óltirilgen kezde jábirlenýshi qyzmetten tys bolǵan, ІІB-gi qyzmeti kezinde ózin jaqsy qyrynan kórsetti», - dep qosyp ótti ІІD-niń baspasóz qyzmetinen.
