Sátbaev qalasy ákiminiń orynbasary jerdi zańsyz bergen
«Qaraǵandy oblysyna qarasty Sátbaev qalasy ákimi orynbasarynyń áreketi áshekere boldy. Oǵan irgeles aýdandardyń turǵyndaryn qonystandyrýǵa arnalǵan Sátbaev qalasyndaǵy 2 jataqhana qurylysy barysynda oryndalǵan jumystar aktisine kedergisiz qol qoıý úshin jeke uıymdardyń biriniń ókilinen 100 myń teńge kólemine para aldy degen kúdik keltirilýde. Ákim oryndary óziniń kinásin tolyqtaı moıyndaǵannan keıin tutqynǵa alynǵan joq», - delingen QR Memlekettik qyzmet isteri jáne sybaılas jemqorlyqqa qarsy is-qımyl agenttigi taratqan aqparatta.
Sondaı-aq, vedomstvo málimetinshe, Tselınograd aýdanynyń burynǵy ákimine qatysty nemquraılylyq faktisi boıynsha tergeý amaldary bastalǵan. Ol óziniń laýazymdy qyzmetin paıdalana otyryp, jaýapkershiligi shekteýli seriktestikke aýdan aýmaǵyna tıesili 50 gektar jer telimin jekemenshikke berý týraly zańsyz qaýlyǵa qoıǵan. Sonyń saldarynan memlekettik zańdy múddeli aıtarlyqtaı buzylǵan.
Munan bólek, Pavlodar oblysynda Aqsý qalasyna qarasty Qalqaman aýyldyq okrýginiń ákimi ózine baǵynyshty bas mamanmen aldyn ala ymyralasyp, JShS ókilinen ákimdiktiń ákimshilik ǵımaratynda tólem termınalyn jaldaý jáne ornatý kelisimshartyn jasasqany úshin 50 myń teńge kóleminde para aldy degen kúdikke ilikken.
Almaty oblysyna qarasty Baıserke aýyldyq okrýgi ákiminiń burynǵy orynbasary da óziniń qyzmettiń ókilettigin asyra baıdalan otyryp, oblys turǵyndarynyń birinee jer telimin jeke sharýa qojalyǵyn júrgizý úshin bergen. Al óńirdiń bas josparyna sáıkes, atalǵan jer telimi avtomobıl turaǵyna arnalǵan. Osylaısha ol memleketke 496 myń teńge shyǵyn keltirgen.
«Joǵaryda atalǵan fakti boıynsha sotqa deıingi tergeý amaldary júrgizilýde», - dep atap ótti agenttikten.