Sátbaev atyndaǵy kanalda segiz jańa transformator ornatyldy
ASTANA. KAZINFORM — Sý resýrstary jáne ırrıgatsııa mınıstrligi Q. Sátbaev atyndaǵy kanaldy keshendi jańǵyrtý jónindegi Jol kartasyn iske asyrý aıasyndaǵy jumystardy jalǵastyryp jatyr.
Vedomstvonyń baspasóz qyzmeti málim etkendeı, qazir segiz jańa transformatordy ornatý jumystary tolyq aıaqtaldy. Jalpy alǵanda 17 jańa transformator ornatý josparlanǵan. Qalǵan toǵyz jabdyq jyl sońyna deıin jetkizilip, ornatylady. Jol kartasynda sondaı-aq 19 sorǵy agregatyn aýystyrý qarastyrylǵan. Búginde kanalda bes agregatty aýystyrý jumysy júrip jatyr.
— Q. Sátbaev atyndaǵy kanaldy jańǵyrtý men rekonstrýktsııalaý Memleket basshysynyń tapsyrmasyna sáıkes júzege asyrylyp jatyr. Bul jumystar nysannyń sý resýrstaryna suranysynyń artýyna baılanysty qolǵa alyndy. Joba Qaraǵandy, Aqmola jáne Pavlodar oblystaryndaǵy eldi mekender men ónerkásip kásiporyndaryn sýmen qamtý sapasyn jaqsartýǵa múmkindik beredi. Sonymen qatar kanaldyń qaýipsiz ári uzaq ýaqyt jumys isteýi qamtamasyz etiledi, — dedi SRIM Sý sharýashylyǵy ǵımarattaryn damytý departamentiniń dırektory Saǵı Útelov.
Budan buryn 7 sáýirden bastap Qanysh Sátbaev kanalynan Shiderti alqabyna sý bosatylatynyn jazǵanbyz.
