Sátbaev atyndaǵy kanal 5 jylda tolyq jańǵyrtylady - Nurjan Nurjigitov

ASTANA. KAZINFORM - Kelesi jyly Q.Sátbaev atyndaǵy kanaldy tolyq jańǵyrtý jumysy bastalady. Bul týraly Sý resýrstary jáne ırrıgatsııa mınıstri Nurjan Nurjigitov Qaraǵandy oblysynyń turǵyndarymen kezdesý basysynda aıtty.

Búginde mınıstrlik jobanyń jol kartasyn ázirledi. Kanaldy jańǵyrtý jumystary kelesi jyly bastalyp, bes jylda aıaqtalady dep josparlanyp otyr. Jol kartasy sorǵy qondyrǵylary men elektr jelilerin jóndeýdi, sondaı-aq basqa da is-sharalardy qamtıdy.

«Q.Sátbaev atyndaǵy kanal Qaraǵandy jáne Pavlodar oblystarynyń ónerkásip oryndaryn sýmen qamtamasyz etetin mańyzdy nysan. Sondaı-aq, kanal Jezqazǵan, Qaraǵandy jáne Pavlodar qalalary úshin aýyz sýdyń negizgi kózi bolyp tabylady. Sondyqtan biz nysandy uzaq merzim boıy jáne qaýipsiz paıdalanýdy qamtamasyz etkimiz keledi», - dedi Sý resýrstary jáne ırrıgatsııa mınıstri Nurjan Nurjigitov.

Aıta ketý kerek, Q.Sátbaev atyndaǵy kanal Pavlodar jáne Qaraǵandy oblystary arqyly ótetin biregeı nysan. Onyń jalpy uzyndyǵy - 458 shaqyrym.