Sátbaev ákimdiginde janjal shyǵarǵandar tutqyndaldy
QARAǴANDY. QazAqparat - Sátbaev qalalyq soty Sátbaev ákimdigi ǵımaratynda janjal uıymdastyrǵan eki adamdy tutqyndaýǵa qatysty sheshim shyǵardy, olar jeke máseleleri boıynsha azamattardy qabyldaý kezinde ruqsatsyz vıdeoǵa túsirgen. Saldarynan ákimdik qyzmetkeri túsik tastaý qaýpimen aýrýhanaǵa jetkizilgen, dep habarlady «QazAqparat» HAA tilshisi.
«Sot qaýlysymen Asqar Qoshanov pen Berik Jaǵyparov «Ákimshilik quqyq buzýshylyq týraly» kodekstiń 434-baby 1-bóligi boıynsha aıypty dep tanyldy, olarǵa bes táýlikke ákimshilik tutqyndaý túrinde jaza taǵaıyndaldy», - dep habarlady Sátbaev sotynyń baspasóz qyzmetinde.
Jazalanǵandardyń sheshimge shaǵymdanýy úshin on táýlik bar. Olar qaýly jarııalanǵannan keıin birden tutqyndaldy.
Eske salsaq, ákimdik qyzmetkerleri men úsh kelýshi (Jaǵyparov, Qoshanov, Tsýkanov) arasynda janjal 11 shildede Sátbaev ákimdigi ǵımaratynda ákim orynbasary azamattardy jeke qabyldaý ýaqytynda oryn alǵan.
Qaraǵandy oblysy ákimi baspasóz qyzmetiniń derekterine sáıkes oqıǵaǵa sebep bolǵan ákimdik qyzmetkerleriniń vıdeoǵa túsirýdi toqtatý, jeke qabyldaý kezinde tártipti saqtaý talaby bolǵan. Alaıda kelýshiler talapqa qulaq aspaı, janjalń shyǵarǵan. Saldarynan ákimdikte jumys isteıtin júkti áıel túsik tastaý qaýpimen aýrýhanaǵa jetkizildi.
