«Sát» trıosy Kerekýde
ASTANA. 5 maýsym. QazAqparat - Kóz janarynan aıyrylǵan úsh ánshi balanyń basyn qosqan «Sát» trıosy halyq arasynda tanymal.
Top quramyndaǵy Azat Ábildaev, Saparbaı Altybaı men Turar Turmysov Shymkent qalasyndaǵy kózderi nashar kóretin balalarǵa arnalǵan «Úmit» mektep-ınternatynda bilim alady. Balalardyń boıyndaǵy erekshe qasıetti baıqap, ony ári qaraı damytýǵa mýzyka pániniń muǵalimi Tamara Shilderhanova úles qosqan.
Ujymnyń qurylǵanyna az ýaqyt ótse de, daryndy uldar birqatar halyqaralyq, respýblıkalyq baıqaýlarda top jardy. Reseıdiń Sankt-Peterbýrg qalasynda ótken «Kastalskıı klıých» atty jetim balalardyń halyqaralyq festıvaline qatysqan olar bas júldeni qanjyǵaǵa baılady. Sonymen qatar rejısser Rýslan Baıtóleshovtiń «Taǵdyr» atty fılmine túsip, ártistik qyrlarynan kóringen.
Qazirgi tańda ónerpazdar elimizdiń túkpir-túkpirin gastroldik saparmen aralaýda. Óner sapary erteń, ıaǵnı 3 maýsymda Ertistiń Kereký óńirinde de jalǵasyn tappaq. Kontserttik keshte ómir boıy án aıtýdy armandaıtyn jetkinshekterdiń jurtshylyq súıip tyńdaıtyn týyndylary shyrqalady.
Maqala «Alash aınasy» gazetinde basyldy.
