Sasha Baron Koen túsken «Dıktatordy» Tájikstanda kórsetýge tyıym salyndy
ASTANA. 18 mamyr. QazAqparat - Tájikstanda brıtandyq akter Sasha Baron Koen túsken «Dıktator» komedııasyn kórsetýge tyıym salyndy. Bul týraly RIA-Jańalyqtar habarlady.
Álemdik kınopremeralardyń respýblıkadaǵy jalǵyz destrıbıýtory «Tantana» kompanııasynyń ókili: «Biz Tájikstanǵa «Dıktator» fılmin halqymyzdyń ulttyq diline baılanysty ákelmedik»,- dep atap kórsetti.
Kıno jáne vıdeo memlekettik mekemesi lıtsenzııalyq bóliminiń bastyǵy («Tájikkıno») Akbar Sháripov atap kórsetkendeı, «Dıktatordy» kórsetken kınoteatrlarǵa aıyppul salynatyn bolady. Bul, Tájikstanda kórsetiletin barlyq kartınalar kórsetilim úshin «Tájikkınodan» mindetti túrle lıtsenzııa alýy kerektigimen baılanysty. «Tájikkıno» fılmdegi sózderdiń mádenıetke saı bolýyn jáne kórermenderdiń jas erekshelikteri boıynsha shekteýlerdi anyqtaıdy. «Dıktator» bul protsedýrany ótken joq.
«Dıktator» sondaı-aq Túrkimenstannyń kınoteatrlarynda kórsetýge tyıym salyndy.
Bul fılmde Koen arab elderi biriniń ámirshisi rólin oınady. Akter ómirin qaterge tige otyryp, óziniń «mahabbat qanalǵan» elinde demokratııanyń ornamaýyna jan-jaqty kúresedi. Kartınanyń Reseıdegi jáne Ortalyq Azııanyń birqatar elderindegi tusaýkeseri 17 mamyrda ótti. Komedııanyń Qazaqstandaǵy kórsetilimi týraly aqparat joq.
