Sasha Baron Koen endi qytaılyq mıllıarderdiń rólin oınamaq
ASTANA. 7 qazan. QazAqparat - Sasha Baron Koen "Lesbııanka" ("The Lesbian") jumys ataýy bar komedııaǵa qatysqaly otyr.
Bul týraly The Hollywood Reporter habarlaıdy.
Fılmge shynaıy oqıǵalar arqaý bolǵan. 2012 jyldyń qyrkúıeginde Gonkong mıllıarderi Sesıl Chao (Cecil Chao) qyzy Gıgı Chaony nekege turýǵa kóndire alatyn kez kelgen er adamǵa 65 mıllıon AQSh dollaryn tóleıtinin málimdegen bolatyn. BBC News-tiń jazýynsha, Gıgı - kásipker, Manchester ýnıversıtetiniń túlegi.
Sasha Baorn Koenniń Four By Two Films kompanııasy jańa komedııanyń prodıýserligimen shuǵyldanbaq. Budan basqa, akterdiń ózi bul kartınada mıllıarder-ákeniń rólin somdaıtyny shamalanyp otyr.
