Sarysýda joǵalǵan naýqas áıel bes kúnnen keıin aýyr jaǵdaıda tabyldy

SARYSÝ. QazAqparat - Sarysý aýdany polıtsııasyna Saýdakent aýylynyń turǵyny júginip, 37 jastaǵy qaryndasynyń joǵalyp ketkenin aıtqan. Áıel úıden belgisiz baǵytta shyǵyp ketip, jaqyndarymen baılanysqa shyqpaǵan. Ol 2011 jyldan bastap psıhıkalyq dıspanser ortalyǵynda esepte turady, dep habarlaıdy QazAqparat.

Habar alǵan soń Sarysý aýdandyq polıtsııa bóliminiń jeke quramy shuǵyl túrde dabyl boıynsha kóterilip, joǵalǵan áıeldi izdeýge jumyldyryldy.

Bul jumysqa volonterler men jergilikti turǵyndar, aýdandyq tótenshe jaǵdaı bóliminiń qyzmetkerleri de qosyldy.

Іzdeý sharalary Sarysý aýdanynyń eldimekenderinde ǵana emes, shekara mańyndaǵy aýyldarda da júrdi.

Kósheler, úıler, aýlalar, qaraýsyz qalǵan ǵımarattar men jertóleler, joldyń boıy da tekserildi.

Joǵalǵan áıel 5 kúnnen keıin jazyq dalada aýyr jaǵdaıda tabyldy.

Esin bilgenmen, sýyq pen ashtyqtan ábden qajyp, áli quryǵan. Sol jerde oǵan medıtsınalyq kómek kórsetildi.

- Quqyq qorǵaý organdarynyń qyzmetkerlerine, volonterlerge jáne turǵyndarǵa izdeý sharalaryna belsendi qatysqany úshin alǵys aıtamyn. Polıtsııa qyzmetkerleri kún-tún demeı izdedi. Endi tappaǵanymyzda ápkem tiri qalmas edi. Tipti elestetýdiń ózi qorqynyshty», - deıdi áıeldiń aǵasy.

Vıdeodan alynǵan kadr