Sarysý ózenine káriz sýy aǵyzylǵany túsirilgen vıdeo jarııalandy
NUR-SULTAN. QazAqparat – Qaraǵandy oblysy Jańaarqa aýdanynyń turǵyndary áleýmettik jelide Sarysý ózenine káriz sýynyń aǵyzylyp jatqany taspalanǵan vıdeo jarııalady, dep habarlaıdy QazAqparat.
Vıdeony túsirip turǵan er adamdar ózen sýyna jaz boıy balalardyń shomylatynyn, mal sýarylatynyn aıtyp, shaǵymdanǵan.
Jańaarqa aýdanynyń ákimdigi bul máselege qatysty pikir bildirdi.
«Káriz sýyn tazalaıtyn stantsııasǵa baratyn magıstralda 2021 jyldyń 11 aqpany kúni dıametri 300-dik trýba tesilgen bolatyn. Ol magıstral tolyǵymen toqtatylyp, káriz sýy qosalqy qubyr arqyly jiberildi. Arnaıy komıssııa tekserip, qubyrdyń jaramsyz jerin anyqtady jáne jóndeý úshin qarajat qarastyrylatyn boldy. Kóktem mezgili bolysymen atalǵan qubyr tolyq jóndeýden ótetin bolady. Qazirgi tańda esh qaýip joq, qosymsha qubyr arqyly káriz sýy tasymaldanýda» dep pikir qaldyrǵan ákimdiktiń baspasóz qyzmeti.
