Sarysý óńiriniń mýzykalyq murasy jınaq bolyp shyqty
Jınaqqa Sarysýda týǵan halyq kompozıtorlary men esimi elge tanys ánshi-kúıshilerdiń shyǵarmalary, óńirde kóp shyrqalatyn halyq ánderi engen.
«Rýhanı jańǵyrý» jobasynyń «Týǵan jer» baǵdarlamasy aıasynda týǵan ólkeniń án, kúı qazynasyn qamtyǵan antologııa shyǵarýdy uıǵardyq. Sarysý óńiri - ultymyzdyń taǵdyr talaıyna talaı márte kýá bolǵan tarıhy tereń ólke. Qart Qarataý - saýsaǵynan saz tógilgen dáýlesker kúıshilerdiń mekeni. Sondyqtan, І dısk dáýlesker kúıshi Yqylas Dúkenulynyń kúılerine arnaldy. Súgir kúılerinen bastaý alatyn kúılerdiń tańdaýly nusqalary sarysýlyq kúıshilerdiń oryndaýlarynda IІ dıskige endi. Jáne munda sarysýlyq kúıshilerdiń shyǵarmashylyq portretin ashatyn radıohabarlar da berildi», - dedi joba prodıýseri, ıdeıa avtory Bolatbek Tólepbergen.
Óz kezeginde III, IV dıskilerine Sarysýdan shyqqan kompozıtorlar Ilıa Jaqanov pen Tynyshbaı Rahymnyń ánderi toptastyrylǵan.
«Birtýar ánshiler Amangeldi Sembın men Sáýle Janpeıisovanyń oryndaýyndaǵy shyǵarmalar V-VI dıskilerde jınaqtaldy. Al «Sarysý kompozıtorlary men ánshileri» atty VІІ-VІІІ toptamalarǵa - Sarysý ónerpazdarynyń shyǵarmalary engizildi», - dedi B. Tólepbergen.
Illıýstratsııalyq sýret
