Saryshunaq aıaz birqatar respýblıkalyq joldardaǵy kólik qozǵalysyna kedergi bolyp otyr
ASTANA. 15 jeltoqsan. QazAqparat - Saryshunaq aıazǵa baılanysty birqatar respýblıkalyq joldar jabyq tur. Bul týraly búgin «Qazaqavtojol» RMK-nyń baspasóz qyzmeti habarlaıdy.
Kesheden bastap aýa temperatýrasynyń kúrt tómendeýine baılanysty Pavlodar oblysy boıynsha barlyq baǵyttarda avtokóliktiń barlyq túrleri úshin kólik qozǵalysyna tyıym salyndy.
Sonymen qatar keshe keshqurym Qaraǵandy oblysy boıynsha barlyq baǵyttarda avtokóliktiń qoǵamdyq, júk jáne dızel otynymen júretin avtokólikterdiń jolǵa shyǵýyna shekteý engizilgen bolatyn.Búgin saǵat 08:00-den bastap jol ashyldy.
Budan bólek, búgin saǵat 9:10-nan beri "Qyzylorda-Pavlodar" avtojolynyń 1069-1135 shaqyrymyndaǵy "Molodejnyı -Pavlodar obl. shekarasy" aralyǵynda qoǵamdyq, júk jáne dızel otynymen júretin avtokóliktiń jolǵa shyǵýyna taıym salyndy.
Al keshe saǵat 17:00-den bastap aýa temperatýrasynyń kúrt tómendeýine baılanysty Shyǵys Qazaqstan oblysy boıynsha barlyq baǵyttarda qoǵamdyq jáne dızel otynymen júretin avtokólikter úshin jol jabylǵan bolatyn. Búgin saǵat 07:00-den beri bul jolda kólik qozǵalysy jandandy.
Aıta keteıik, 14 jeltoqsanda saǵat 17:00-den bastap Pavlodar oblysyndaǵy aýa temperatýrasynyń kúrt tómendeýine baılanysty "Omby-Maıqapshaǵaı" jolynyń 587-733 shaqyrymyndaǵy "Pavlodar obl.shekarasy-Semeı qalasy" aralyǵynda avtokóliktiń barlyq túrleriniń qozǵalysyna shekteý qoıyldy.
Almaty oblysy boıynsha keshe saǵat 17:00-den beri aýa temperatýrasynyń kúrt tómendeýine baılanysty "Almaty-Óskemen" jolynyń 276-615 shaqyrymyndaǵy "Rýbej beketi- Shyǵys Qazaqstan oblysy shekarasy" aralyǵynda qoǵamdyq jáne dızel otynymen júretin avtokóliktiń qozǵalysyna tyıym salynǵan edi. 15 jeltoqsanda saǵat 07:00-den bastap jol ashyldy.
15 jeltoqsanda saǵat 09:10-nan beri aýa temperatýrasynyń kúrt tómendeýine baılanysty Aqmola oblysy boıynsha barlyq baǵyttarda avtokóliktiń barlyq túri úshin jolǵa shyǵýǵa shekteý engizildi.
Budan bólek keshe saǵat 19:00-den bastap Soltústik Qazaqstan oblysy boıynsha barlyq baǵyttarda qoǵamdyq, dızel otynymen júretin avtokóliktiń qozǵalysyna tyıym salyndy.
