Saryshaǵan turǵynyna shyrsha órtegeni úshin 16 mln teńgege deıin aıyppul salynýy múmkin
QARAǴANDY. QazAqparat - Jańa jyl túninde Saryshaǵan turǵyny kenttiń bas shyrshysyn órtep jiberdi. Endi oǵan 3-ten 7 myń AEK-ke deıin aıyppul salynýy múmkin, dep habarlaıdy QazAqparat tilshisi.
1 qańtarda tańǵy saǵat 6: 00 shamasynda Aqtoǵaı aýdany PB Saryshaǵan kenttik polıtsııa bólimshesiniń kezekshi bólimine belgisiz bireýlerdiń Saryshaǵan kentiniń mádenıet saraıynyń janynda ornatylǵan shyrshany órtep jibergeni týraly habarlama kelip tústi.
Jedel-izdestirý is-sharalary barysynda polıtsııa qyzmetkerleri atalǵan qylmysty jasady degen kúdikpen 31 jastaǵy kent turǵynyn ustaǵan.
Atalǵan derek boıynsha QR QK-niń 202-baby 2-bólimi «Qasaqana órt qoıý jolymen bóten múlikti qasaqana joıý nemese búldirý» boıynsha sotqa deıingi tergeý bastaldy.
«Osy baptyń sanktsııasyna sáıkes kúdikti úsh myńnan jeti myń aılyq eseptik kórsetkishke deıingi mólsherde aıyppul salý, ne bolmasa sol mólsherde túzeý jumystaryna tartylý nemese úsh jyldan jeti jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrylý jazasyn óteıdi.
Qazirgi ýaqytta tergeý amaldary júrgizilýde», - dep habarlady Qaraǵandy oblysy PD baspasóz qyzmeti.
