Saryózek-Kóktal kúre joly eki kúnge jabylady

TALDYQORǴAN. QazAqparat- Almaty oblysynda respýblıkalyq mańyzy bar Saryózek-Kóktal joly eki kúnge jabylady. Bul baǵytta kúrdeli jóndeý jumystary júrgizilýde, dep habarlaıdy QazAqparat tilshisi.

«Respýblıkalyq mańyzy bar «Saryózek – Kóktal» avtojolynyń 45-68 shaqyrymynda 17-18 naýryz kúnderi aralyǵynda óndiristik qajettilikke baılanysty burǵylaý-jarý jumystary júrgiziletin bolady. Osyǵan baılanysty, avtomobıl jolynyń osy ýchaskesi barlyq avtokólik túrleri úshin jabyq bolady.

Almaty oblysynyń TJD azamattardan osy baǵytta jol júrýden bas tartýdy, sondaı-aq 112 qyzmeti beretin SMS habarlamalardy nazardan tys qaldyrmaýdy suraıdy.

Daýyl týraly eskertýler men ózge de shuǵyl aqparat alý úshin «Dármen» tegin mobıldi qosymshasyn júkteýge bolady«,- delingen Almaty oblysy Tótenshe jaǵdaılar departamentiniń baspasóz qyzmetiniń habarlamasynda.