«Saryózek-Kóktal» avtojoly boıyndaǵy kópir arnasynan asqan ózen sýymen shaıylyp jatyr
ASTANA. Naýryzdyń 13-i. QazAqparat - Almaty oblysy Kerbulaq aýdanynda arnasynan shyǵyp ketken ózen sýy avtojol kópirin shaıyp jatyr,
dep habarlady Tótenshe jaǵdaılar mınıstrliginiń baspasóz qyzmetinen.
Vedomstvodan málim etkendeı, keshe, naýryzdyń 12-si kúni saǵat 14.10-da Kerbulaq aýdany ákiminiń orynbasary «Saryózek-Kóktal» avtojolynyń 4-shi shaqyrymynda ornalasqan kólik kópiri sýmen shaıylyp jatqandyǵy týraly habarlaǵan. Tótenshe oqıǵa ornyna dereý jedel top jetti. Qazir apatty jaǵdaıdaǵy kópirdi qalpyna keltirý jáne ózenniń arnasyn túzeý jumystary júrgizilýde.
Atalmysh baǵytta avtokólikterdiń qozǵalysyna tyıym salyndy. Tabıǵı apaty saldaryn joıýmen «Qazaqavtojol» respýblıkalyq memlekettik kásipornynyń 13 tehnıkasy aınalysýda.
