Saryózek garnızonynda áskerı qyzmetshilerge 52 páter kilti tabystaldy
SARYÓZEK. QazAqparat - Saryózek garnızonynyń áskerı qalashyǵynda – aıtýly kún. Áskerı qyzmetshilerdiń otbasy kúrdeli jóndeýden ótken páterlerine qonystanýda, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.
Áskerı qalashyqtaǵy turǵyn úı ǵımarattary ótken ǵasyrdyń 70-80 jyldary salynǵan. Kúrdeli jóndeýdiń nátıjesinde kóptegen úılerge sán kirip, jańa keıipke jáne turýǵa yńǵaıly qalypqa endi.
Barlyq páterde sý, jylý qurylǵylary aýystyrylyp, sondaı-aq tolyq ishki jóndeý jumystary júrgizildi. Plastıkalyq terezeler ornatylyp, ishki jáne syrtqy esikter jańartyldy.
Úıdiń syrty otqa tózimdi jylý oqshaýlaǵysh materıaldarmen qaptalǵan, balkondar metall jaqtaýlarmen kúsheıtilgen.
Saryózek garnızonynyń bastyǵy podpolkovnık Erjan Embergenov pen
aýdandyq paıdalaný bóliminiń basshysy maıor Beıbit Jumabaev páter ıelerin qonys toıymen quttyqtap, kiltterdi tabys etti.
