Saryqyr asýynda 5 shopan malymen birge qar astynda qalyp qoıdy
BІShKEK. QazAqparat - Qyrǵyzstannyń Jalalabat oblysy, Toǵyz-Toroýyz aýdanyndaǵy Saryqyr asýynda 5 shopan malymen birge qardyń astynda qalyp qoıdy. Bul týraly Kabar agenttigi Qyrǵyzstan Tótenshe jaǵdaılar mınıstrliginiń baspasóz qyzmetine silteme jasap habarlaıdy.
TJM baspasóz qyzmetiniń málimdeýinshe, 18 qazan kúni Alaqan jaılaýyna qalyń qar jaýǵan, sonyń saldarynan maldaryn aıdaǵan bes shopan asýdan óte almaı qalyp qoıǵan.
19 qazan kúni 14:30 shamasynda TJM qutqarýshylary olardy izdep jolǵa shyqty.
Qazirgi ýaqytta Qyrǵyzstannyń taýly aýmaqtarynda qalyń qarǵa baılanysty eskertý jarııalandy.
