«Sarykóbelek saǵynysh» atty halyqaralyq jyr músháırasy ótedi
Músháırany Dúnıejúzi qazaqtarynyń qaýymdastyǵy, «Otandastar qory» KEAQ jáne «Alash-CUP» qaıyrymdylyq qory birlesip uıymdastyryp otyr.
«Elbasy Nursultan Nazarbaev «Bolashaqqa baǵdar: Rýhanı jańǵyrý» atty maqalasynda «Adam balasy - sheksiz zerdeniń ǵana emes, ǵajaıyp sezimniń ıesi. Týǵan jer – árkimniń shyr etip jerge túsken, baýyrynda eńbektep, qaz basqan qasıetti mekeni. Talaı jannyń ómirbaqı turatyn ólkesi. Ony qaıda júrse de júreginiń túbinde áldılep ótpeıtin jan balasy bolmaıdy» dep atap ótkendeı, týǵan jerge saǵynysh - et júrekti pendeniń júrek túkpirindegi lúpili. Al onyń aqyndar sanasyn bulqyndyryp, jyr bolyp órilmeýi múmkin emes. Osy turǵydan qaraǵanda shetelden kelgen, týǵan jeri jattyń menshiginde qalǵan qazaq aqyndarynyń jan sezimi aıtpasa da túsinikti. Týǵan jerin jarty ǵasyr jyrlaǵan Járken aqynnyń «jaýyr bolǵan» saǵynysh derti jyrqumar talaı jastyń júregin shymshylaǵan ǵajaıyp sezimge ulasqany anyq. Bul sharanyń maqsaty - jas urpaqtyń sanasynda Járken Bódeshulynyń shyǵarmashylyǵyn nasıhattaý, jastar shyǵarmashylyǵyna qoldaý kórsetý», - deıdi joba avtory, «Otandastar qorynyń» menedjeri Talapbek Tynysbekuly.
Músháıraǵa qyryq jasqa deıingi aqyndar eki óleńimen qatysa alady.
Birinshi óleńi aqyn Járken Bódeshulynyń shyǵarmashylyǵyna, aqyndyq bolymysyna, tulǵalyq kelbetine arnalýy mindetti.
Ekinshi óleń saǵynysh, týǵan jer taqyrybynda bolmaq.
Shyǵarmalar birinshi jeltoqsanǵa deıin t.talapbek@mail.ru elektrondy poshtasyna qabyldanady. Músháıra qortyndysy qazylar alqysynyń sheshimimen Táýelsizdik kúni qarsańynda jarııalanyp, jeńimpazdardy saltanatty marapattaý rásimi ótkizilmek.
