«Saryarqanyń» bas bapkeri qyzmetinen ketti
ASTANA. QazAqparat - Qaraǵandy qalasynyń "Saryarqa" xokkeı klýbynyń bas bapkeri, reseılik maman Vadım Epachıntsev qyzmetinen bosatyldy, dep xabarlaıdy QazAqparat tilshisi "R-Sport" agenttigine silteme jasap.
Joǵary xokkeı lıgasynyń bıylǵy maýsymynda "Saryarqa" pleı-offtyń ekinshi aınalymyna deıin jetken. Alaıda, Qorǵan qalasynyń "Zaýrale" komandasyna (2:4) ese jiberip, jartylaı fınalǵa ótpeı qaldy. Osydan keıin klýb basshylyǵy men bas bapkerdiń ózara kelisimi negizinde reseılik maman Vadım Epanchıntsevti jumystan bosatý týraly sheshim shyǵaryldy. Aldaǵy ýaqytta ony Qurlyqtyq xokkeı lıgasyndaǵy "Spartak" klýbynyń bas bapkerligine taǵaıyndaýy ábden múmkin.
Aıta keteıik, "Saryarqa" súringennen keıin, pleı-offta jalǵyz qazaqstandyq klýb qaldy. Ol - óskemendik "Torpedo". Búgin onyń da taǵdyry sheshiledi. Dál qazir "Torpedo" xokkeı klýby Sankt-Peterbordyń "Dınamosyn" qabyldap jatyr. Jalpy esep teń - 3:3. Osy machta jeńgen komanda jartylaı fınalǵa ótedi.
