«Saryarqa» jyl saıyn ótetin JHL chempıonatynyń jeńimpazy atandy - VIDEO
ASTANA. QazAqparat - Volgalyq «Arıadany» jeńgen qaraǵandylyq «Saryarqa» merziminen buryn Joǵary hokkeı lıgasynyń jeńimpazy ataǵyn ıelendi. Bul týraly «Saryarqa» HK saıtynan habarlandy.
12-mınýtta-aq Sergeı Ogorodnıkov oıyn esebin ashty. Kezeńniń aıaqtalýyna bir jarym mınýt qalǵanda jerlesterimiz upaı sanyn arttyrdy - 2-0. Sodan qyryq sekýndtan keıin Andreı Plehanovtan shaıba alǵan Erık Shevchenko qarsylas qaqpasyna jaýapsyz úshinshi shaıbany saldy.
Ekinshi kezeńde de tartysty oıyn boldy. Volgalyqtar qaqpashyny aýystyryp, shabýylǵa kóshti. Kezeńniń ortasyna deıin nátıjesiz oıyn kórsetken «Arıada» oıynshylary dúrkin-dúrkin shabýyldap, jerlesterimizdiń qaqpasyna alǵashqy shaıbalaryn darytty. Alaıda bul qýanyshtary sý sepkendeı basyldy. 32 sekýndtan soń Konstantın Savenkov qarsylastardyń qaqpasyna jaýapty goldy saldy.
Úshinshi jıyrma mınýttyqta volgalyqtar esep aıyrmasyn qysqarta bildi. Nátıjesinde oıyn 4:2 esebimen «Saryarqa» komandasynyń paıdasyna sheshildi. Bul jerlesterimizge JHL turaqty chempıonatynda merziminen buryn jeńimpaz atanýǵa jol ashty.
