«Saryarqa» JHL fınalyndaǵy alǵashqy oıynda «Toros» komandasynan basym tústi
ASTANA. 19 sáýir. QazAqparat - Keshe Joǵary hokkeı lıgasy fınalyndaǵy alǵashqy oıynda qaraǵandylyq «Saryarqa» hokkeı klýby «Toros» (Neftekamsk) komandasyn súrindirdi.
Matchtyń alǵashqy mınýtynda-aq qaraǵandylyq hokkeıshiler qarsylastaryn qapy qaldyryp, esep ashty. Ilıa Malıýshkın alǵashqy shaıbanyń avtory atandy. Al segiz mınýttan keıin ol ekinshi shaıbany kirgizdi. «Toros» esep aıyrmasyn bir shaıbaǵa qysqarta bildi. Alaıda Dmıtrıı Danılın tarazy basyn 3:1-ge jetkizdi. Osydan keıin qarsylastar bar kúshterin jumsap, matchty óz paıdasyna sheshýge tyrysqanymen nátıje shyǵara almady. Al, oıynnyń ekinshi kezeńinde Semen Kokýev esepti 4:1-ge ulǵaıtty. Bul oıynnan keıin «Saryarqada» bir upaı bar. Al Joǵary hokkeı lıgasynyń «Bratına» kýbogyn jeńý úshin qarsylastardy tórt ret utý qajet.
Aıta keteıik, Joǵary hokkeı lıgasynyń bıylǵy maýsymynda qaraǵandylyq «Saryarqa» hokkeı klýby alǵash ret óner kórsetip júr. Debıýtant bolsa da, ol barlyq syndardan ótip, fınalǵa deıin jetti. Bul - asa zor jetistik. «Saryarqanyń» qarsylasy - «Toros» buǵan deıingi maýsymda lıga chempıony atanyp, «Bratına» kýbogyn ıelengen bolatyn.
