«Saryarqa» JHL-dyń ekinshi fınaldyq matchynda jeńiske jetti
NUR-SULTAN. QazAqparat - Qaraǵandynyń «Saryarqa» hokkeı klýby Joǵarǵy hokkeı lıgasynyń fınalynda jalpy esepti teńestirdi, dep jazady Olympic.kz.
Túmende «Rýbınge» qarsy ótken ekinshi matchta bizdiń komanda 0:2 esebimen utylyp jatyp, 5:4 esebimen jeńiske jetti.
Oıynnyń negizgi ýaqyty teń aıaqtalǵan soń, tóreshi overtaım belgilegen bolatyn. Qosymsha ýaqytta Leonıd Metalnıkov sheshýshi shaıbany soqty.
Osylaısha, «Saryarqa» fınaldyq serııadaǵy jalpy esepti teńestirdi. Alǵashqy matchta 2:3 esebimen «Rýbın» basym túsken edi.
Kelesi eki oıyn 20-21 sáýir kúnderi Qaraǵandyda ótedi.
