«Saryarqa» jáne «Dostyq» metro stansalary qoldanysqa qashan beriledi
ALMATY. QazAqparat - Almaty metrosynyń eki jańa beketi - «Saryarqa» jáne «Dostyq» 2021 jyldyń jeltoqsan aıynda paıdalanýǵa beriledi. Bul týraly Almaty ákimi Baqytjan Saǵyntaev málim etti, dep habarlaıdy QazAqparat tilshisi.
«Saryarqa» men «Dostyq» beketteriniń qurylysy qarqyndy júrip jatyr. Onyń uzyndyǵy - 3,1 shaqyrym. Qurylys jumystary josparǵa saı 2021 jyldyń jeltoqsanynda aıaqtalady. 2020 jyly uzyndyǵy 2,5 shaqyrymdy quraıtyn «Qalqaman» beketiniń qurylysy bastaldy. Ol 2022 jyldyń sońynda paılanýǵa beriledi», - dedi Almaty ákimi Baqytjan Saǵyntaev Ortalyq kommýnıkatsııalar qyzmetinde ótken brıfıngte.
Buǵan deıin shahar basshysy Almatydaǵy qoǵamdyq kóliktiń damýy týraly aıtqan bolatyn.
