«Saryarqa» - «Toros»: esep teńesti
ASTANA. 24 sáýir. QazAqparat - Keshe, Bashqurtstannyń Neftekamsk qalasynda jergilikti «Toros» komandasymen kezdesken qaraǵandylyq «Saryarqa» hokkeı klýby óz qarsylasyn jeńip, fınaldyq kezdesýlerdiń jalpy esebin teńestirdi.
Oıynnyń basynda bolǵan aıyptarǵa qaramastan, bizdiń hokkeıshiler esepti birinshi bolyp ashty. Alǵashqy kezeń bitpeı turyp, Semen Kokýev qaqpashyny qapy qaldyryp, óz komandasyn alǵa shyǵardy. Al ekinshi kezeńde Denıs Ignashın esepti eseleı tústi. Bir saǵattyń ishinde «Toros» tek bir shaıbany ǵana qaıtara bildi. Onyń ózi «Saryrarqa» bir oıynshyǵa kem oınaǵan kezde iske asty. Qorytyndy esep - 2:1. Osymen tórt kezdesýdiń jalpy esebi teńesti - 2:2.
Joǵary hokkeı lıgasy aıasyndaǵy kezekti fınaldyq oıyn Qaraǵandy qalasynda 26 sáýir kúni ótedi. Aıta keteıik, tórt upaı jınaǵan komanda jeńimpaz atanyp, «Bratına» kýbogyn ıelenedi.
