Saryarka oblystyq spartakıadasyna úsh myńǵa jýyq adam qatysty
QARAǴANDY. QazAqparat - Onlaın formatta ótken qalalar men aýdandar arasyndaǵy Saryarka oblystyq spartakıadasynyń qorytyndysy shyǵaryldy, dep habarlaıdy QazAqparat tilshisi.
Birinshilik baǵdarlamasynda shahmat, doıby, asyq atý, toǵyzqumalaq, jeńil atletıka, kúshtik gımnastıka, paýerlıftıng, doppen jonglerlik etý jáne gir tasyn kóterý sport túrleri boldy.
Onlaın-jarys eki kezeńde ótti. Sportshylar aldymen qalalar men aýdandarda saıysty, sodan keıin fınal ótti. Oblystyq birinshilikte barlyǵy 2 837 adam - balalar men eresekter óz kúshin synady.
Jalpykomandalyq esepte qalalar arasynda birinshi oryndy Qaraǵandy enshilese, ekinshi oryndy -Temirtaý, al úshinshi oryndy Shahtınsk aldy. Aýdandyq birinshilikte Abaı aýdany jeńimpaz atandy, ekinshi orynǵa Buqar jyraý aýdany shyqty, Shet aýdany
úzdik úshtikti túıindedi.
«Bizdiń aýdan jyl saıyn júldeli oryndarǵa ıe bolady. Biz Saryarka spartakıadasynyń 15 dúrkin chempıondarymyz. Kóshbasshylar qatarynda doıby men shahmat oıynshylary bar. Bul tek sportshylardyń ǵana emes, jattyqtyrýshylardyń da eńbegi. Jarystarǵa kásipqoılar da, áýesqoılar da qatysty», - deıdi Abaı aýdanynyń dene shynyqtyrý jáne sport bóliminiń bas mamany Erasyl Borambaev.
