«Saryarqa» negizgi aınalymda top jardy
ASTANA. 26 aqpan. QazAqparat - Joǵary hokkeı lıgasynda óner kórsetetin "Saryarqa" alǵashqy kezeńde chempıon atandy.
Bul týraly JHL-dyń resmı saıtyna silteme jasap, alasharena.kz saıty habarlady.
Saıttyń jazýynsha, 52 oıynda 115 upaı jınaǵan qaraǵandylyqtar pleı-off kezeńiniń alǵashqy raýndynda penzalyq "Dızelmen" kezdesedi.
"Dızel" pleı-off básekesine eń sońǵy bolyp ilikken komanda. Krasnodarlyq "Kýban" klýby "Ońtústik Oralǵa" syrt alańda ese jibergen soń, lıgany ári qaraı jalǵastyrýǵa múmkindik alǵan "Dızeldi" bizdiń jigitter negizgi aınalymda eki márte jeńip ketken. "Saryarqadan" bólek, Óskemenniń "Qaztsınk Torpedosy" da JHL-dyń 1/8 aınalymyna joldama aldy.
Joǵarǵy hokkeı lıgasy, pleı-off:
"Saryarqa" - "Dızel"
"Toros" - "Qaztsınk Torpedo"
"Ońtústik Oral" - "Arıada Akbars" (kezdesýler naýryzdyń 2, 3, 6, 7, 10 kúnderi ótedi)
* * *
"Rýbın" - "HK Sarov"
"Neftıanık" - "Molot - Prıkame"
"Spýtnık" - "Dınamo"
"Ermak" - "Lada" (kezdesýler 3, 4, 7, 8, 11 naýryz kúnderi ótedi)
JHL-dyń pleı-off kezeńinde 3 márte jeńiske jetken komanda shırek fınalǵa joldama alady. Al, shırek fınal, jartylaı fınal jáne fınaldyq synda 4 ret jeńiske jetken komandanyń joly ashyq bolmaq. Qola medal úshin match ótkizilmeıdi. Negizgi aınalymda jaqsy óner kórsetip, jartylaı fınalda súringen komandalardyń birine úshinshi oryn buıyrady.
