«Saryarqa» magıstraldy gaz qubyrynyń 1-kezeńi qashan aıaqtalady

ASTANA. QazAqparat - «Saryarqa» magıstraldy gaz qubyrynyń 1 kezeńi 2019 jyldyń jeltoqsanynda aıaqtalady. Bul týraly búgin elordada halyqqa esep berý kezdesýi barysynda QR Energetıka mınıstri Qanat Bozymbaev aıtty, dep habarlaıdy QazAqparat tilshisi.

«Eldi gazdandyrý deńgeıi shamamen 47,4 paıyzdy quraıdy. 1300-den astam eldi meken gazǵa qol jetkizdi. Respýblıkalyq bıýdjetten gazdandyrýǵa jyl saıyn shamamen 13 mlrd teńge bólinýde. Búginde 16 óńirdiń ishinde Ortalyq jáne Soltústik aımaqtar ǵana gazdandyrý syzbasyndaǵy tehnıkalyq shekteýlerge baılanysty tys qalyp otyr. Elbasynyń 5 áleýmettik bastamasynyń arqasynda Astana, Qaraǵandy jáne Aqmola oblystaryn gazdandyrý máselesi sheshilýde. «Saryarqa» magıstraldyq gaz qubyrynyń saltanatty ashylýyn shilde aıynyń basynda ótkizý josparlanyp otyr», - dedi mınıstr.

Onyń aıtýynsha, «Qyzylorda-Jezqazǵan-Qaraǵandy-Temirtaý-Astana» baǵyty boıynsha birinshi kezeń 2019 jyldyń jeltoqsan aıyna deıin aıaqtalady. Birinshi kezeńniń boljamdy quny 267 mlrd teńgeden asady.

«Qaraǵandy, Aqmola oblystary men Astana qalasynyń ákimdikteri magıstraldy gaz qubyry men aımaqtyq jeliler qurylysynyń merzimin eskere otyryp, ınfraqurylym qurylysy úshin jol kartasyn ázirledi. 1 kezeńde gaz qubyry boıynsha 171 eldi mekenge tartylady, 2,7 mıllıon adam gazben qamtamasyz etiledi. Elorda turǵyndary úshin eń aldymen gazdy «Kóktal-1,2», «Jeleznodorojnyı», «ıÝgo-Vostok» aýdandaryna jáne 1,2,3 jylý elektr stansalaryna jetkizý josparlanǵan», - dedi ol.