«Saryarqa» klýby reseılik oıynshylarmen tolyqty
QARAǴANDY. Qarashanyń 9-y. QazAqparat /Valentına Elızarova/ - Qaraǵandylyq «Saryarqa» hokkeı klýbynyń basshylyǵy komandany kúsheıtý týraly sheshim qabyldady,
dep habarlady klýbtyń baspasóz qyzmetinen.
Klýb basshylyǵy eki oıynshyny: qorǵaýshy Dmıtrıı Shalabanov pen shabýylshy Alekseı Obýhovty keri shaqyryp aldy. Qazaqstannyń aǵymdaǵy chempıonatynda birinshi aınalymnyń qorytyndysy boıynsha «Saryarqanyń» qataryn Reseı chempıonatynyń kúshti degen dıvızıonynda oınaǵan úsh shabýylshy men bir qorǵaýshy tolyqtyryp otyr.
Klýbqa ıAroslav hokkeı klýbynyń ókili, sońǵy kezde «Progress» qatarynda (Glazov qalasy) óner kórsetip kelgen 38 jastaǵy Vladımır Ivantsov keldi. «Saryarqa» basshylyǵy sheberdiń tájirıbesi jastarǵa paıdaly bolady degen úmitte. Basqa jańa oıynshylarǵa keletin bolsaq, olar: magnıtogor hokkeı mektebiniń tárbıelenýshisi, buǵan deıin «Mechel» klýbynda oıǵan 27 jastaǵy Alekseı Zotkın, Elektrostal hokkeı mektebiniń tárbıelenýshisi, buǵan deıin «Rys» klýby úshin óner kórsetken 31 jastaǵy Anton Ýlıanov, Perm hokkeı mektebiniń tárbıelenýshisi, buǵan deıin «Neftıanık» klýbynda oıǵan 27 jastaǵy Roman Dolgıh.
