«Saryarqa» hokkeı klýbynyń bas bapkeri taǵaıyndaldy
ASTANA. QazAqparat - Aleksandr Sokolov «Saryarqa» hokkeı klýbynyń bas bapkeri bolyp taǵaıyndaldy.
59 jastaǵy maman buǵan deıin jastar hokkeı lıgasynda óner kórsetetin «Reaktor» JHK bas jattyqtyrýshysy qyzmetin atqarǵan. Sokolovtyń basshylyǵyndaǵy «Reaktor» komandasy 2017 jyly JHL chempıonatynyń fınalyna shyǵyp, kúmis medaldi qanjyǵasyna baılady.
Sokolovtyń bapkerlik shtabynda bas bapker Dmıtrıı Kramarenko bar. Ol Qaraǵandy hokkeı mektebinde tálim alǵan. 2016-2017 jylǵy maýsymda maman jattyqtyrǵan Qazaqstan chempıonatynda «Saryarqanyń» farm-klýb sanalatyn «Temirtaý» komandasy «kúmis» júldege ıe bolǵan.
Sonymen qatar, Sokolovqa bapkerlik qyzmette qaqpashylar jattyqtyrýshysy - Artem ıAtskevıch kómektesetin bolady. Ol 2015-2016 jylǵy maýsymda qaraǵandylyq ujymnyń ishinde qaqpashylardy jattyqtyrǵan.
