«Saryarqa» hokkeı klýbynyń bas bapkeri qyzmetinen ketti
QARAǴANDY. QazAqparat - Qaraǵandynyń «Saryarqa» hokkeı klýby bas jattyqtyrýshylarymen kelisimshartty toqtatty, dep habarlaıdy QazAqparat.
Bas bapker Aleksandr Sokolovpen kelisimshart eki taraptyń kelisimi boıynsha buzyldy.
Klýbtyń baspasóz qyzmetinen málim etkendeı, qaraǵandylyq hokkeıshilerdiń bas bapkeri qyzmetine Dmıtrıı Kramarenko taǵaıyndaldy. Ol buǵan deıin de «Saryarqanyń» bapkerlik shtabynda bolǵan.
Eske salaıyq, Aleksandr Sokolov «Saryarqaǵa» bıylǵy maýsymaralyq kezeńde keldi. Joǵary hokkeı lıgasyndaǵy 22 matchtan keıin Qaraǵandynyń komandasy 39 upaımen týrnırlik kesteniń jetinshi ornyna ornalasty.
