«Saryarqa» hokkeı klýby JHL chempıonatynda úshinshi orynǵa kóterildi
ASTANA. 17 qańtar. QazAqparat - Qaraǵandylyq «Saryarqa» hokkeı klýby Joǵary hokkeı lıgasynyń chempıonatynda Voljsk qalasynyń «Arıada» komandasyn jeńip, týrnırlik kesteniń úshinshi ornyna kóterildi. Bul týraly Vesti.kz saıty habarlady.
Voljsk qalasynda ótken match qazaqstandyq komandanyń basymdyǵymen 3:0 esebimen aıaqtaldy.
Goldardyń avtorlary - Vladıslav Lýchkın, Robert Logan Makmıllan men Aleksandr Vasılev. Osylaısha, «Saryarqa» chempıonatta 73 upaıǵa ıe bolyp, JHL chempıonatynyń týrnırlik kestesinde úzdik úshtikke qosyldy.
